حبك ياربى م البدايه هو اصل وكل الحكايه كنت عارف انى هااضعف وفى ضعفى الموت نهايه بس حبك شاء فى قلبك تسيبنى حر للنهايه عشان اختار طريقك بقلبى ولا كون  مرغم فى النهايه وفى لحظة الأختبار بين موت ولا حياه!!! كان لضعفى الاختيار الموت بدل الحياه !!! وقبل الانهيار جيتنى انت بوعد الحياه بكره من نسلك  هايحى اللى يسحق راس الشيطان ويدوس سلطان الموت ولا يبقى ليه سلطان واليأس اللى عذبنى خدتنى من بين ايديه واديتنى سلاح فى ايديا علشان اعيش عليه سلاح من رجاك احمى نفسى بيه وبرغم كل دا ضل قلبى وتاه تاه ورا هواه وضاع منه رجاه كل ده وايدك ياربى عماله تكتب فى الحكايه والطريق اللى رسمته ماشى فيه للنهايه وفى ملئ الزمان سمعنا اجمل الانغام المجد للآب فى العلا ابنه جاى لينا بالسلام عاش يصنع الخير مابينا ويشفى كل المتعبين ويقوم اموات الخطيه بعد ماعدت سنين حس الشيطان بملكه هايزول من بعد حين قام واستدعى جنده الخطاه الحاسدين صرخوا وقالوا اصلبوه ده رئيس الشياطين كل ده وانت ساكت عشان تكمل الحكايه حتى لو كان التمن هو دمك فى النهاية ورضيت وانت القدوس تحصى بين اللصوص وفى نور الصليب ياربى فتحت عيوننا شفنا حب عجيب أحيت بيه قلوبنا وفى لحظه قالوا خلاص مات صاحب الجبروت الشمس ثارت والارض قالت باعلى صوت استحاله استحاله استحاله ده يموت اكيد اكيد هايقوم ده صاحب الجبروت وبعد ايام تلاته قام المسيح قام اعلن الانتصار والموت داسه بموته ولا عاد  ليه سلطان هى دى كل الحكايه م البدايه للنهايه وبطلها هو حبك ياربى م البدايه